Манай компаний төлөөллүүд 2024 оны 8-р сарын 19-ний өдөр зохион байгуулагдсан Монгол-Японы Бизнес форумд оролцлоо. Монгол-Японы Бизнес форум нь энэ жил 3 дах жилдээ зохион байгуулагдсан бөгөөд Япон болон Монголын олон төрлийн компаниудын хамтын ажиллагаа, түншлэлд дэмжлэг үзүүлдгээрээ онцлог. Энэ жилийн Форумд мэдээлэл, харилцаа холбоо, инноваци, хүнс, хөдөө аж ахуй, банк санхүү, аялал зуучлал зэрэг маш олон салбарын компаниуд оролцож, өөрсдийн бизнес загварыг танилцуулж, санал бодлоо солилцсон сонирхолтой хэлэлцүүлэг өрнүүлсэн. Түүнчлэн, форум дээр Монголын залуучуудын бичсэн шинэлэг 10 төслийг танилцуулсан бөгөөд түүнээс шүүгчдийн өгсөн үнэлгээгээр шалгарсан 2 төсөлд 10 сая төгрөгийн хөрөнгө оруулалтыг зохион байгуулагчдын зүгээс олгосон.