Энэ хуулийн зорилт нь уламжлалт мал аж ахуйн салбарыг уур амьсгалын өөрчлөлтийн сөрөг нөлөөллөөс хамгаалах, малчдад учирсан эрсдэлийг бууруулах арга хэмжээг онцгой журмаар шийдвэрлэхтэй холбогдсон харилцааг зохицуулахад оршино. Энэ хууль батлагдсанаар хөдөө орон нутагт малчдын хоршоо байгуулах, тэдгээрт барьцаа хөрөнгө, батлан даалтгүйгээр зээл олгох, мөн мал аж ахуйн зориулалтаар 5 га газрыг эзэмших эрх олгох, үйл ажиллагааг төрийн байгууллагаас дэмжих эрх зүйн орчин бүрдсэн.